നഗരത്തിലെ തിക്കിലും തിരക്കിലും വിയര്ത്തു നാറി വന്നു ബെഡ് ഇടാത്ത കട്ടിലിലേക്ക് വന്നു കിടന്നു. റിമോട്ട് എടുത്തു ടി.വി ഓണ് ചെയ്തു. ഒരു വിധം മലയാളം ന്യൂസ് ചാനലില് ഒക്കെ "കുരിയച്ചന് സാര്" തന്നെ.
ഇയാള് കുറ്റവാളി ആണോ അല്ലെയോ എന്ന് ഉറപ്പില്ല.. പക്ഷെ കേട്ട് കേള്വി വെച്ച് നോക്കുമ്പം പുള്ളി ആളൊരു പുലി ആണെന്നാണ് തോന്നണത്. പിന്നെ അതിനിടയില് ഏതോ ചാനലില് ആരോ പറഞ്ഞു കേട്ടു "ആ പെണ് കുട്ടി സ്വന്തം ഇഷ്ടത്തോടെ ആണ് ഈ 40 ഓളം പേരോടും ബന്ധപെട്ടതെന്നു. അതും ഏകദേശം 16 വയസുള്ളപ്പോള് "
ഒരു നിമിഷം ഒന്ന് പകച്ചു പോയി. ഞാനും എന്നെ പോലുള്ള പല ആണുങ്ങളും ഈ നഗരത്തിലൂടെ ഒക്കെ ദിവസോം നടക്കാറുള്ളവര് ആണ്. പെണ്ണുങ്ങളെ വായില് നോക്കല്, സൌന്ദര്യം ആസ്വദിക്കല് ഒക്കെ ഏതു മലയാളിയും ചെയ്യുന്ന കാര്യങ്ങള് തന്നെയാ. പക്ഷെ കൂടി കൂടി വരുന്ന ഈ പീഡനങ്ങള്!!!! അതും 6 വയസുകാരിയെയും 60 വയസുകാരിയെയും ഒക്കെ.!!! ഇനി ഈ ആറു വയസുകാരിയും പീഡനം ആസ്വദിച്ചു എന്ന് പറയുന്ന ഒരു സമൂഹവും.
സൂര്യനെല്ലിയുടെ കഥ ആണെങ്കിലും മറ്റേതു പീഡന കഥ ആണെങ്കിലും ഈ പീഡന വീരന്മാര് ഒരു ചോദ്യം ചെയ്യലും കുറച്ചു കാശ് വീശലും കഴിഞ്ഞാല് സുഖം സ്വസ്ഥമായി വീണ്ടും പൊളിച്ചടുക്കി ജീവിക്കുന്നു.. മാനസികമായി ചതിക്കപെട്ടു , ക്രൂരമായി പീഡിപ്പിക്കപ്പെട്ടു, അപമാനിതര് ആയി ജീവിക്കുന്ന നമ്മുടെ സഹോദരിമാരോ ??? ഓ !!! അത് സഹോദരി അല്ലല്ലോ.. ആരാന്റെ പെങ്ങളോ മകളോ ആണല്ലോ !!! നമ്മുക്ക് എന്ത്..??? നമ്മുടെ വീട്ടില് സംഭവിക്കുന്നത് വരെ നമ്മുക്കെന്ത് അല്ലെ ???
കുരിയച്ചനോ ഓന്റെ വലിയച്ചനോ പിടിക്കപെടുമോ എന്നോ, ഇനി വിചാരണ ചെയ്യപ്പെടുമോ എന്നൊന്നും ആര്ക്കും അറിയില്ല. പണത്തിനും സ്വാധീനത്തിനും മീതെ പരുന്തല്ല ഒരു പക്ഷീം പറക്കാന് പോണില്ല.എങ്കിലും എന്റെ സഹോദരിമാരെ... നെഞ്ചിന്റെ ഉള്ളില് നിന്ന് നിങ്ങള്ക്ക് ദിനംപ്രതി സംഭവിച്ചു കൊണ്ട് ഇരിക്കുന്ന മാനഹാനിയില് എനിക്കും അതിയായ ദുഖവും രോഷവും ഉണ്ട്. എന്ത് ചെയ്താലും നിങ്ങടെ മാനത്തിന് പകരമാവില്ല എന്ന് മനസിലാക്കുന്നു. പറയാന് ഒരേ ഒരു വാക്ക് മാത്രം "മാപ്പ്" !!!!
1 comment:
shame on being alive!
Post a Comment