ഒരു കുന്നു ചോറ്, അതിനൊത്ത് കറി... വയറു അങ്ങ് നിറഞ്ഞാല് പിന്നെ കിടന്നങ്ങ് ഉറങ്ങാം.
പണ്ട് അപ്പന് പറഞ്ഞത് ഓര്ത്തു... " ജീവിക്കാന് വേണ്ടിയാണ് തിന്നണത്... അല്ലാണ്ട് തിന്നാന് വേണ്ടി ജീവിക്കല്ല്".
തിന്നും കുടിച്ചും വയറു നിറച്ചോളു. അതൊക്കെ ഓരോരുത്തരുടെ ഇഷ്ടം. ജനിച്ച നാടും പിറന്ന സാഹചര്യവും അനുകൂലമാണേല്,
എന്ത് വേണേലും കഴിക്കാം, കുടിക്കാം.
പക്ഷെ കഴിച്ചു മടുക്കുമ്പോള്, അല്ലെങ്കില് താല്പര്യം പോകുമ്പോള്, അല്ലെങ്കില് എന്തെങ്ങിലും
വാശിയുടെ പുറത്തു ഭക്ഷണം ചവറ്റുകുട്ടയിലേക്ക് തള്ളുന്ന എന്റെ പ്രിയരോട് ഒരു ചോദ്യം. " നിന്നെയൊക്കെ ആരാടാ ഇത് പഠിപ്പിച്ചേ ? "
സൊമാലിയയിലെ കാര്യം പറഞ്ഞാലും വിശക്കുന്ന പട്ടിണി പാവങ്ങളുടെ കാര്യം പറഞ്ഞാലും "അതിനൊക്കെ നമ്മുക്ക് എന്നാ ചെയ്യാന് പറ്റൂടാവേ ? " എന്ന് ചോദിക്കുന്ന മാന്യന്മാര് ഉണ്ട്. അവര്ക്ക് അറിയില്ലായിരിക്കാം, അല്ലെങ്കില് അവര് അതിനെ കുറിച്ച് ഓര്ത്തു തല പുണ്ണാക്കാന് ഉദ്ദേശിച്ചു കാണില്ല. വേറെ ചില മാന്യദേഹങ്ങള് ഉണ്ട്. "പട്ടിണി കിടക്കുന്ന കോടി കണക്കിന് ആളുകളെ ഓര്ത്താല് എങ്ങനെ നിനക്കൊക്കെ ഭക്ഷണം വേസ്റ്റ് ആക്കാന് സാധിക്കും" എന്ന് നമ്മള് എങ്ങാനും ചോദിച്ചാല് ഉടനെ മറുപടി വരും " അളിയാ എന്നാല് ഈ വേസ്റ്റ് പൊതിഞ്ഞു അവര്ക്ക് കൊറിയര് അയക്കാം " . ഒന്നും പറയാനില്ല അവരോടൊക്കെ. ഇവരോടൊക്കെ പറഞ്ഞു നോക്കിയിട്ടുണ്ട്. മനസിലാവില്ല !!!!!
പല സേവന പരിപാടികളും ക്ഷേമപദ്ധതികളും ഉണ്ട്. അതിലൊന്നും പങ്കു ചേര്ന്നില്ലെങ്ങിലും, ഈ പാവങ്ങളെ കുറിച്ച് ഓര്തില്ലെങ്ങിലും വെറുതെ ഒരു തീരുമാനം എടുത്തു കൂടെ. വെറുതെ ഒരു രസത്തിനു. "ഇനി ഭക്ഷണം വേസ്റ്റ് ചെയ്യില്ലെന്ന്"
